أعلن الإعلامي مراد مكرم، انتهاء تعاقده مع شبكة قنوات CBC بعد سنوات طويلة من التعاون، وذلك عبر حسابه الرسمي على بموقع التواصل الاجتماعي «إنستجرام».

وشارك منشورا عبر حسابه معلقا: "بعد سنوات من العمل، أعلن اليوم عن انتهاء تعاقدي مع شبكة قنوات CBC".

وتابع مراد،: "الخبر ده مش سهل يتكتب في سطرين، لأن CBC ما كانتش مجرد شاشة بطلع منها، دي كانت بيتي التاني.

وأضاف: "من أول يوم دخلت فيه المكان ده، وأنا حاسس إني وسط عيلة حقيقية بتشتغل بحب، باحترام، وبإيمان إن اللي بتقدمه للناس لازم يكون نابع من ضمير حقيقي ومسئولية.

واختتم: "بحب أشكر كل حد اشتغلت معاه، قدام الكاميرا و وراها، من إدارة، إعداد، إخراج، فريق إنتاج، زملاء ومذيعين… كل شخص ساهم في تجربة عمر، وكل شخص علمني حاجة حتى من غير ما يقصد، كان فيه دعم، وكان فيه احترام، وده أغلى حاجة ممكن أي حد يطلع بيها من مكان شغل.

أغلق صفحة مهمة في حياتي المهنية، وأنا ممتن لكل لحظة فيها، ومطمئن إن اللي جاي مكمل على اللي فات، بخبرة أكبر وقلب هادي ونية صادقة.

مراد مكرم يُعلن انتهاء تعاقده مع شبكة قنوات CBC