الأحد، 16 يونيو 2024 10:45 مـ
بوابة المصريين

رئيس الحزب د. حسين ابو العطا

الفن والثقافة

حسام حبيب: عمري ما أخدت مليم من شغل شيرين وهذا سر حلق شعرها

حسام حبيب
حسام حبيب

حسام حبيب وشيرين، قال الفنان حسام حبيب: "ارتباطي بشيرين عبد الوهاب لحد دلوقتي أساسه الصداقة وحتى الآن لا نزال أصدقاء، وهي عندها ميزة مختلفة عن كل البنات لا تنم على أحد ولا تنظر لملابس الفنانات وجدعة ودمها خفيف وميتزهقش جدا وفي نفس الوقت طفلة في حبها وكل حاجة".

زواج حسام حبيب وشيرين عبد الوهاب

وأضاف خلال الجزء الثاني من لقائه ببرنامج "ع المسرح" الذي تقدمه الإعلامية إيمان أبو طالب بقناة "الحياة": "لما قولنا مفيش بيني وبين شيرين ارتباط ده كان حقيقي والموضوع بعد كده حصل بسرعة في أيام، هي كانت بتمر بمشاكل فظيعة وانا كمان وابتدينا نقرب أوي من بعض وابتديت أحس إن نظرتها ليا اتغيرت لحد لما الموضوع اتطور برة نطاق الصداقة وحسيت إن الست دي تخصني ومن هنا شعوري بيها اختلف واتجوزنا، وهي أول بني آدمة أتجوزها وأعيش معاها بعيد عن بيت أهلي وكنت مرتبط بيها ارتباط كبير"

وتابع: "لما اتجوزت شيرين عبد الوهاب كنا اتنين صحاب عايشين مع بعض، والناس استكتروها عليها وبقيت متهم من اللحظة الأولى في العلاقة دي، حسابات الناس دنيوية، هي شخصية مستقلة بس عمرها ما حاولت تمشي كلامها عليا ومش بتستمتع إنها تمشي كلامها على حد وهي جدعة، هي شخصية بسيطة جدا".

خطأ علاقة حسام حبيب وشيرين

وأكد: "الغلطة الوحيدة في علاقتي أنا وشيرين عبد الوهاب إنها اتفتحت على الناس، وأنا مش بلوم نفسي ولا شيرين، والست في غضبها مينفعش تحاسبها لإنها بتكون أشرس من الراجل على حاجة بتحبها وعلاقتنا مكنتش سامة خالص، في لحظات صغيرة جدا اتنقل للناس إن علاقتنا سامة وده مكنش صح وصدروا لنا ضغوط كبيرة أذت العلاقة".

أموال شيرين عبد الوهاب

وأكد حسام حبيب: "عمري ما أخدت مليم من شغل شيرين عبد الوهاب، مراتي لو فنانة أو قاعدة في البيت وبتشتغل أي فستان هي تاج علي راسي وكانت بشيلها ديل فستانها في الحفلات".

قصة حلق شيرين عبد الوهاب شعرها

وعن سر حلق شيرين شعرها، أوضح حسام حبيب: "مشكلة عبيطة زي أي ست قالت لي طلقني فقلت لها بهزار والساعة كانت 4 الصبح طيب يلا ننزل نتطلق فقالت لي لأ أنا مبنزلش روح هات المأذون هنا يتطلقني، افتكرت إني بقولها بجد فدخلت الحمام واتأخرت واتفاجئت من رد فعلا إنها خارجة وحالقة شعرها وقتها وقعت على ركبي في الأرض لإني حسيت إنها بتعبر عن غضبها طالما انت هتسيبني انا هأذي نفسي وده غلط ومينفعش يحصل، نوع من أنواع التعبير عن الغضب وده مكنش ينفع يحصل وقلت لها طيب كنتي احرقي لي أنا شعري ومتعمليش في نفسك كده".

حسام حبيب الفنان حسام حبيب شيرين شيرين عبد الوهاب الفنانة شيرين عبد الوهاب حسام حبيب وشيرين برنامج ع المسرح حسام حبيب ع المسرح

الفن والثقافة

آخر الأخبار