الخميس، 20 يونيو 2024 03:13 صـ
بوابة المصريين

رئيس الحزب د. حسين ابو العطا

الفن والثقافة

أول تعليق من بسنت أبو باشا بعد مشاركتها في كليب تامر حسني

برنامج الستات
برنامج الستات

 

تحدثت الفنانة بسنت أبو باشا، عن تفاصيل مشاركتها في مسلسل "الحشاشين" بطولة الفنان كريم عبد العزيز، الذي عرض في موسم رمضان 2024.

وقالت "أبو الباشا"، خلال لقائها في برنامج "الستات" مع الإعلامية مفيدة شيحة، وسهير جودة، عن كيفية اختيارها للدور، وقالت: "عملنا اوديشن في مكتب الكاستنج عند إبراهيم فرج والمخرج اختارني وفجاءة التصوير بكرة، وأول حاجة بدأنا بيها حلم الجنة كتصوير بالنسبالي أنا".

وعن سبب عدم وجود سكريبت لمشاهد حلم الجنة، قالت: "أنا عملت ده وذاكرته وقريت القصة بعد ماصورت اليوم ده، والحمد لله كان في وقت تاني إن أنا أصور وأذاكر بعد ماعملت حلم الجنة فذاكرت الدور كويس وعملت مشاهد تمثيل".

وتابعت عن كيفية تجهيزها لدور حلم الجنة، قالت: "أنا كنت باخد ورشة تمثيل مع ياسين العصامي واتمرنت على الدور معاه فكان أي مشهد بيجيلي بذاكره معاه وأتمرن عليه وأعمل بروفات قدامه وفي التصوير بنعمل بروفة تاني والمخرج بيعدل".

وأشارت في حديثها عن مشهد قتلها سوزان نجم الدين، أجابت: "أنا فعلًا كنت هادية جدًا وكانت الشخصية من النوع الجدع اللي بيقف جنب صحابه الجواري، فطبعًا بعد ماشافت كل صحابها ماتوا فحبت إنها تنتقم من القائدة، فسلطت الجواري الجداد واستغلتهم إنهم يعملوا الجريمة".

وعن سبب دخولها مجال التمثيل: "من وأنا صغيرة في المدرسة بطلع في الحفلات دايما في المسرحيات وفي الاستعراضات، وبعد شوية اشتغلت في الاستعراضات زي الباليه برا المدرسة، ودخلت الباليه واتمرنت وعملت حفلات وبقف على المسرح، وبعدين بقيت موديل ودخلت الإعلانات".

وعن كيفية ترشيحها للتعاون مع تامر حسني: "كنت بعمل فقرة باليه في حفلته مرة وبعد كده كان هو عايز حد يمثل في كليب وقال عايز بنت بترقص بردو".

وعن أول عمل بدأت به: "كان الأبواب المغلقة برنامج درامي فيه تمثيل قصص حقيقية بتاع أستاذ جورج قرداحي، فعملت قصة وكنت لابسة حجاب ودي أول حاجة دراما"، مضيفة :"بس أول حاجة إتشافت كليب تامر حسني لإن كان فيه بردو تمثيل والناس قالتلي إن أنا يجي مني".

تامر حسني تامر حسني المطرب تامر حسني الفنان تامر حسني حفل تامر حسني بسنت أبو باشا

الفن والثقافة