السبت، 27 أبريل 2024 01:44 مـ
بوابة المصريين

رئيس الحزب د. حسين ابو العطا

الفن والثقافة

أمينة خليل: عيطت بدل الدموع دم بسبب صحابي

بوابة المصريين

كشفت الفنانة أمينة خليل، عن جوانب مهمة من حياتها الشخصية، موضحة أن عائلتها لعبت دورًا كبيرًا في بناء شخصيتها، قائلة: أهلى مسكوا إيدي في الطريق اللي اخترت أمشي فيه شخصيتي أو شغلي أو اختياراتي في الحياة ومفرضوش عليا طريق معين.

وأضافت أمينة خليل خلال تصريحات تليفزيونية: بابا وماما حنينين ومتفتحين العقل وخلوني أنشأ في بيئة متفتحة التفكير ومهتمين جدا بتعليمي والبيت يبقى كويس وسعيد على قد ما يقدروا.. ودعموني جدا لما قررت أبقى ممثلة رغم الضغوط من أفراد تانية من العيلة لإنه مكنش قرار سهل بس دلوقتي الموضوع بقى متقبل أكتر.

وعن علاقتها بأصدقائها، قالت أمينة خليل في نفس اللقاء: الأصدقاء بياخدوا حيز كبير جدا من حياة أي بنت سواء بنات أو شباب.. في أصدقاء لما مهمين جدا مع نجاحي عمرهم ما غيروا طريقتهم معايا.. ولا حسيت ان في استغلال للنجاح بتاعي.

أما عمن تخاذلوا معها، أوضحت أمينة خليل:" في ناس تانية اتغيروا معايا وظهروا على حقيقتهم وعيطت بدل الدموع دم كتير لإني حاسة إني اتخذلت وأنا كنت بحبهم أوي.

وأشارت أمينة خليل إلى أنها تحاول دائما عدم التأثر بما تمر به موضحة: "بحاول لما اكتشف الحقيقة مقلبش إنسانة خوافة وعيني في وسط راسي وأعمل ألف حساب لأي شخص".

وكشفت أمينة خليل عن أقرب شخصية لها قائلة: "دكتورة ليلى سعد هي أمي الروحية وصديقتي جدا وبتتفرج على كل أفلامي ومسلسلاتي وعارفة كل حاجة في حياتي كانت بتدرس لي تمثيل وحببتني في الفن".

أمينة خليل الفنانة أمينة خليل

الفن والثقافة

آخر الأخبار