”الوزير“ للمتضررين من توسعات الدائرى: مش هنطلع حد من بيته بدون تعويض
كتب محمد سعيدبوابة المصريينوجه المهندس كامل الوزير، وزير النقل، كلمة للمواطنين المتضررين، بسبب توسعات الطريق الدائرى قائلًا: "مش هنطلع واحد من بيته إلا ما ياخد تعويض"، مضيفًا: "مش بنشيل حد ويقعد فى خيام"، مؤكدًا أن تعويضات الدائرى متاحة، والفلوس موجودة للمحافظات ومشيلناش حد وطلعناه من بيته بدون تعويض نقدى أو شقة".
وقال الوزير، للنواب فى الجلسة العامة: "أهاليكم هما أهالينا وحريصين على مصلحتهم ولازم نكبركم ونطول رقبتكم أمام أهالى دوائركم"، مضيفًا رده على ما اثاره النواب خلال الجلسة العامة اليوم: " كل مطالبكم كتبتها واللى مش متخطط سنسرع فى تخطيطه"، موجهًا الشكر للنواب على حفاوة الاستقبال، مضيفًا: "لازم أبادر الحب بحب ونحقق مطالبكم التى تمثل الشعب المصرى".
وقال كامل الوزير: "كل المحافظات لها منى كل التقدير مفيش فرق بين صعيد ولا وجه بحرى، ودمياط لها تقدير عندى وكل طرق دمياط مخطط لها وسوف يتم تنفيذها"، مضيفًا " لن أدخر اى جهد واستحملونى شوية .. كل الطرق اللى مفتوحة وشغالين فيها هتكون خلصانة حاسبونى على اللى مفتوح.. كل كبارى المزلقانات تحت نظرنا.