طمأن الفنان الشاب رامز أمير، جمهوره ومحبيه عليه بعد خروجه من المستشفى وعودته لمنزله عقب اجراء جراحة في قدمه اليسرة إثر إصابته بقطع في الرباط الداخلي لانكل قدمه اليسرى وكسر في الشيظية.

ونشر "رامز" صورة له عقب خروجه من المستشفى وخضوعه لعملية جراحية معلقًا عليها "الحمد لله انا دلوقتى في البيت وبقيت أحسن كتير، إن شاء الله الفترة الجاية هبتدى علاج طبيعى وتأهيل على طول عشان ارجع اتشقلب بسرعة".

وتابع: "بالنسبة للإصابة مكنتش حابب أقولكم بظبط هيا إيه عشان متزعلوش بس كله عاوز يعرف، أنا جالى قطع في الرباط الداخلى في الأنكل وكسر في الشظية ودول اتعملوا في العملية الأولى، والصورة التانية للحجات اللى كانت جوة رجلى وشيلتها في العملية التانية".

واستكمل: "الحمد لله عمر الشقى بقى، إن شاء الله هطمنكم أول بأول، هعيشكم معايا فترة التأهيل وهوريكم إزاى لما تقع تقوم تانى وتضحك على نفسك كمان، يارب بس تجربتى دى تبقى حافز ليكم".

يذكر أن أحدث أعمال الفنان رامز أمير كانت من خلال مشاركته في مسلسل الاختيار الذي تم عرضه في شهر رمضان المنقضي.