الخميس، 20 يونيو 2024 04:45 صـ
بوابة المصريين

رئيس الحزب د. حسين ابو العطا

الفن والثقافة

تطورات جديدة في أزمة عصام صاصا.. وشاهد عيان يكشف الحقيقة

عصام صاصا
عصام صاصا

 

تصدر هاشتاج "عصام صاصا مش مجرم" مؤشرات البحث في جوجل ومواقع التواصل الاجتماعي، وهي حملة أطلقها أصدقاء صاصا وزوجته بهدف الدفاع عنه في اتهامه بالقتل الخطأ لشخص أعلى دائري المريوطية.

شاهد عيان يكشف الحقيقة

ظهر شاهد عيان كان مع عصام صاصا في نفس الحادث ويقود سيارة تابعة لشركة درايفر الساعة الخامسة صباحاً، وتواصل مع أسرة عصام صاصا للإدلاء بشهادته لهم وأمام النيابة إذا طلب منه، وقال: أنا صاحب العربية الجيلي اللي كانت جنب عصام، وأقسم بالله ما خبطوا جنب الرصيف زي ما بيقولوا، خبطوا في الحارة التانية أو التالتة وكله فضل يقول إنها كانت الساعة 7 الصبح وفي النور، الكلام ده كان الساعة 5 وفي عز الضلمة، وأنا أصلا كنت مهدي علشان الرادار، وبعدها كنت نازل مريوطية، وكنت تالت حارة.

عصام صاصاعصام صاصا

واستكمل: وكنت مشغل الكشاف بتاع العربية لقيت الراجل قدامي يدوب حدفت شمال راح عداني، راحت العربية اللي جمبي جت شالته الله يرحمه، أقسم بالله ولا أعرف إنه عصام ولا حاجة، خبطه ونزل وممشيش وعبال ما وقف كنت أنا لميت يمين ونزلت أدور على الراجل لقيته جنب الرصيف، وعصام صاصا جي بيجري عليا ومكنش في غير أنا وهو الزبونة اللي في العربية وقعدت تصوّت.

وأضاف الشاهد : عصام جالي عمال يقولي والله ما قصدي أخبطه، قُلت له الراجل مات يا أخويا وأنا وهوه واقفين مفيش أعصاب وجاتله حالة هيستيريا، روحت جبت الفرش من عربيتي روحت مغطيه وأقسم بالله ما في راجل شاف منظر الراجل ولا حتى لما الإسعاف جات، علشان هما شالوه بالفرش على طول، وأقسم بالله أنا ما بنام بسبب الحوار ده والتفكير ومش علشان عصام بس قسما بالله لولا ربنا سترها معايا أنا كنت هكون مكانه.

 

عصام صاصا شاهد عيان يكشف الحقيقة أزمة عصام صاصا قتل خطأ

الفن والثقافة