وجهت الفنانة ملك أحمد زاهر رسالة مؤثرة بعد تعرضها لوعكة صحية، وذلك عبر حسابها الرسمي بموقع التواصل الاجتماعي "فيسبوك".

و كتبت ملك أحمد زاهر :اللهم اشف جسدي من كل ضعف و قلبي من كل هم و عقلي من كل قلق و املئني يقينا إن ما عندك خير مما فقدت.

تعرض ملك لوعكة صحية

كشفت الفنانة ملك زاهر عن تعرضها لوعكة صحية استدعت وجودها في المستشفى الأيام الأخيرة، حسبما أوضحت لمتابعيها من خلال استورى عبر حسابها على موقع إنستجرام، قالت فيه: "عمري ما بنزل غير الحاجات اللذيذة أو الهزار أو أي حاجة إيجابية، ولما كنت بنزل حاجة سلبية كانت بتبقى من وراها هدف، وغالبا كنت باخدها بهزار بيني وبين صحابي".

ثم استكملت: "بس بجد حاسة إن الفترة الأخيرة بيجيلي كومنتس كلها إنتي عايشة ومبسوطة وإحنا مش عايشين، وإيه كل اللي انتو فيه وحاسة إن في ناس بصة على أتفه الحاجات اللي ممكن تكون عندي بتبسطني، زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة إيفينت معين".

وأضافت ملك أحمد زاهر: "حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة، وفي حوالي نص ساعة قبلها كنت زي الفل، ومن ساعتها مش عارفة أنزل أو حد يشوفني بالي أنا فيه ده ونفسيتي وحشة أوي، أنا بحكى الكلام ده عشان تعرفوا بس إن حياتي فيها الحلو والوحش، والله زى أى حد بس أنا بحب دايما أشير الحلو بس وغالبا ده غلط فقررت أشارككم".