إذا كنت تبحثين عن وصفة حلويات باردة وسهلة التحضير، تجمع بين طراوة الكريم كراميل ونكهة الفواكه الطازجة، فالكريم كراميل بالفواكه هو الخيار المثالي لكِ، حيث يتميز هذا الحلى بمذاقه المنعش وشكله الجميل، مما يجعله مناسبا للتقديم في المناسبات أو كتحلية خفيفة بعد الغداء في هذه الوصفة، سنستخدم مزيجا من الفواكه المتوفرة مع البسكويت، لإضفاء قوام مميز وطعم غني تابعي الخطوات لتحضير هذة الحلوي الرائعة بكل سهولة.

المقادير

• 4.5 كوب حليب (لتر).
• 2 باكو كريم كراميل.
• 1 باكو بسكوت (أي نوع متوفر).
• 3 حبات كيوي.
• 10 حبات فراولة.
• 2 موز.
• 1 تفاحة.
• نصف ليمونة.
• (ممكن نستخدم أي فاكهة مفضلة أو كمبوت).

طريقة التحضير

1. نقطّع كل الفواكه مكعبات صغيرة.
2. نعصر نصف ليمونة على الموز والتفاح ونقلّبهم كويس.
3. في حلة، نحط بودرة الكريم كراميل على الحليب ونقلب كويس.
4. نرفعهم على نار متوسطة مع التقليب المستمر لحد ما يغلي.
5. أول ما يغلي نطفي النار ونسيبه يبرد 5–7 دقائق مع التقليب كل شوية لحد ما يبقى دافئ وقوامه شبه المهلبية السايبة.
6. نصب كمية بسيطة من الكريم كراميل في قاع القالب ونوزع فوقه جزء من الفواكه.
7. نصب باقي الكريم كراميل فوق الفواكه ونوزعه بالتساوي.
8. نرص البسكوت فوق الوجه ونضغط عليه برفق بسيط عشان يثبت وما ينزلش لتحت.
9. ندخل القالب التلاجة 4 ساعات أو أكتر لحد ما يتماسك كويس.
10. نقلبه على طبق التقديم ونزينه بصوص الكراميل اللي في الباكو أو أي صوص تاني نحبه.