قالت الفنانة حنان يوسف: "دخلت التمثيل بالصدفة كنت بدور علي شغل، وعرض على أحد الأصدقاء أن أدخل التمثيل وبالفعل حدث ذلك"، موضحة: "دخلت التمثيل وعمري 30 سنة، وأول عمل شاركت فيه كان مسلسل سجن النسا".

وأضافت "يوسف" خلال تصريحات تليفزيونية: "التمثيل مكنش في دماغي ومكنتش أعرف إني بعرف أمثل لأني في الأصل شخصية خجولة"، لافتة: "بعد دوري في سجن النسا لقيت منتقبات ومحجبات مبسوطة منى في الشارع وبيتصوروا معايا وأجمل حاجة عجبتهم رقصة السجن".

وأشارت: "بخاف علي ابني الوحيد من أي حاجة سوء، اسمه أحمد وهيتجوز قريب وبحب خطيبته جدًا وهما الاتنين بيحبوا بعض من زمان وعمري ما هكون حماة عليها، وهيعملوا فرحهم في المدرسة لأنهم مرتبطين بالمدرسة فقرروا يعملوا الفرح في المدرسة وياريت الإدارة توافق".

وأكدت: "انفصلت عن زوجي لإن مكناش مرتاحين مع بعض، فكانت من مصلحته ومصلحتي ومصلحة ابننا إننا ننفصل، وهو راجل عظيم مع ابنه، وعلاقتنا كويسة مع بعض بعد الطلاق".

ولفتت: "معنديش مانع اشتغل مع طليقي المخرج، ولكنه هو مش هيجبني تاني لإني عملت مشكلة معاه في التصوير، وهو كان متنرفز جدًا واتشاجرنا مع بعض لإني قومت الناس عليه بسبب مشكلة علي المسرح".