مها صابر تكتب: اللي بيحب بكيانه
اللي بيحب بكيانه
يدي من الأحلام آيات
يرسم العالم لعشقة
يبني أجمل ذكريات
كل ركن وفيه سعادة
والحياة سكر زيادة
لما يبقى العشق عادة
شايفه في كل الحاجات
اللي بيحب بكيانه
يدي من الأحلام آيات
اللي بيحب بكيانه
عمره مايشوف إلا هيَّ
لو يشك الورد إيدها
تبقى ليه المسؤلية
يعلن الإعلام بيان
انه أهمل في اللي كان
وانه في اللي جَاي بيوعد
يتْهم الورد بقضية
دا اللي بيحب بكيانه
يدي من الأحلام آيات
يرسم العالم لعشقة
يبني أجمل ذكريات
واللي بيفكر في ذاته
ينسى جنبه أي ذات
كل اسم يبقي اسمه
لما تصبح فيه عادات
وانت شايف بس نفسك
لما بتزيف في رسمك
تبقى شايف بس حسنك
رايه فوق كل الرايات
واللي بيحب بكيانه
يدي من الأحلام آيات
يرسم العالم لعشقة
يبني أجمل ذكريات
